adharon par shabdon ko likhkar,man ke bhed na kholo,
sun sakta hun ankhon se main,tum ankhon se bolo,
karna phir vivechan nishpaksh,mere gun doshon ka,
kalush man ke pahle,nayan gangajal mein dho lo,
sanbandhon ki asidhara par chalna,bahut kathin hai,
dharne se pahle pag,vishwason ko apne tolo,
sneh rahit jeevan ka hai, hota nahi arth koi,
ban na pao meet mere to aur kisi ke ho lo.

tune khud milne ke bare mein,kabhi socha na tha,
main sada sunta na teri,dur bhi itna na tha,
main tumhare ko muskurata,bolta patthar kahoon,
jo bichhuda hamesha ke liye,par roya na tha,
jane kitne gamon ne kiya,rooh ko jakhmee,
ek sapna hi to bas tuta,koi sheesha na tha,
aao mujhse milo yun ajnabi jaise mile,
beete barson par,hamara jaise koi rishta na tha.